جامعہ کریمہ اہلِ بیتؑ پاکستان کے شہر لاہور, سمن آباد میں واقع ایک دینی و تربیتی ادارہ ہے، جو خصوصاً طالبات کے لیے قائم کیا گیا ہے۔ اس ادارے کا بنیادی مقصد بچیوں کی تعلیم و تربیت کو اہلِ بیت علیہم السلام کی تعلیمات کے مطابق پروان چڑھانا ہے، تاکہ وہ دین و دنیا دونوں میدانوں میں کامیاب کردار ادا کر سکیں۔
ادارے کی بانی و مدیرہ محترمہ خانم زاہدہ حسینی ہیں، جو حوزہ علمیہ سے اعلیٰ تعلیم یافتہ ہیں۔ آپ تجربہ کار اور باصلاحیت معلمہ ہیں، اور جامعہ میں تعلیم و تربیت کا نظام  حوزہ کے معیاری نصاب اور اصولوں کے مطابق جاری رکھنے کی کوشش کرتیں ہے۔ جامعہ میں پاکستان کے مختلف علاقوں سے طالبات دینی تعلیم کے حصول کے لیے آتی ہیں اور ان کی رہائش کا انتظام بھی موجود ہے ۔
یہاں نہ صرف علمی بلکہ اخلاقی و تربیتی پہلوؤں پر بھی خصوصی توجہ دی جاتی ہے، تاکہ طالبات ایک باکردار اور باعمل فرد کے طور پر معاشرے میں اپنا مثبت کردار ادا کر سکیں۔ اساتذہ کرام میں باصلاحیت اور اعلیٰ تعلیم یافتہ خواتین شامل ہیں، جو حوزہ ہائے علمیہ کے معیار کے مطابق تدریس انجام دے رہی ہیں۔ ان کی محنت اور خلوص کی بدولت ادارہ علمی و تربیتی میدان میں بہترین خدمات انجام دے رہا ہے۔ شعبہ تعلیم کے تحت مختلف دورانیے کے کورسز پیش کیے جاتے ہیں، جن میں دینی علوم، عقائد، فقہ، اخلاق، قرآنیات، اور دیگر ضروری مضامین شامل ہیں، تاکہ طالبات کو ہمہ جہت تعلیم فراہم کی جا سکے۔

جامعہ کریمہ اہلِ بیتؑ کی کلاسز میں داخلے کے لیے داخلہ فارم پُر کرنا ضروری ہے۔ داخلہ فارم کے حصول اور مزید معلومات کے لیے ہماری ویب سائٹ پر دیے گئے نمبرز پر رابطہ کریں، یا براہِ راست جامعہ کریمہ اہلِ بیتؑ تشریف لا کر ہمیں اپنی آمد سے عزت بخشیں۔ ہماری ٹیم آپ کی مکمل رہنمائی کرے گی اور ان شاء اللہ جلد آپ کو ہماری علمی و تربیتی کلاسز کا حصہ بنایا جائے گا۔